525.Az

Mətbuat Şurası “Azadlıq” qəzetinə xəbərdarlıq etdi

[21.07.14]
Mətbuat Şurası “Azadlıq” qəzetinə xəbərdarlıq etdi<b style="color:red"></b> Mətbuat Şurası (MŞ) İdarə Heyətinin növbəti iclası keçirilib.

MŞ-dan Lent.az-a verilən məlumata görə, Əflatun Amaşovun sədrliyi ilə keçirilən iclasda İH üzvləri müzakirələrdən sonra 4 məsələnin gündəliyə daxil edilməsi barədə razılığa gəliblər.
 
Əvvəlcə Mətbuat Şurası sıralarına yeni üzvlərin qəbulu məsələsinə baxılıb. “Yeni həyat”, “İrəvanın səsi”, “KATV1” qəzetlərinin, “Azərbaycan”, “Azərbaycan məktəbi”, “Günəş” jurnallarının, “AJB.az”, “Strategiya.az” saytlarının və “Yazıçı” nəşriyyatının MŞ sıralarına qəbul olunması barədə qərar qəbul olunub.
 
Sonra Şikayətlər üzrə Komissiya və “Reket jurnalistika”ya qarşı mübarizə Komissiyasının rəyləri əsasında qərarlar qəbul edilib. “Kafkaznews” və “Azad Azərbaycan Respublikası” qəzetlərinin adlarının Mətbuat Şurasının “qara siyahı”sına salınması məqsədəuyğun sayılıb. “Demokratiya.info” saytına və “Poliqon” İnformasiya Agentliyinə (pia.az) ciddi xəbərdarlıq olunub. Daha 3 KİV barədə də ölçü götürülüb. Belə ki, “Azadlıq” və “IV hakimiyyətin səsi” qəzetlərinə, həmçinin Jurnalist Araşdırma Mərkəzinə (jam.az) MŞ-nin xəbərdarlığı elan olunub.
 
İclasın sonunda Mətbuat Şurasının Ali Media Mükafatının 2014-cü il üçün laureatlarının adları müəyyənləşdirilib. Mükafatlar iyulun 22-də Bakının “Altun Saray” restoranında keçiriləcək mərasimdə təqdim ediləcək.


<< Geri
Ana səhifə | BÜTÜN XƏBƏRLƏR | Müsahibə | Siyasət | Sosial | Haqqımızda | Əlaqə
© 2012 525.Az.