525.Az

Azərbaycanın haqq işini Bolqarıstan müsəlmanları da dəstəkləyir

[16.11.20]
Azərbaycanın haqq işini Bolqarıstan müsəlmanları da dəstəkləyir<b style="color:red"></b>

Noyabrın 10-da “Müasir dünyanın problemləri: nifrətə çağırış, terror, ekstremizm, islamofobiya və Ermənistanın Azərbaycana qarşı təcavüzü” mövzusunda onlayn Beynəlxalq Konfrans keçirilib.

525.az xəbər verir ki, konfransda iştirak edən Bolqarıstan Müsəlmanlarının baş müftisi Mustafa Hacı öz çıxışında Azərbaycanın haqq davasına güclü dəstəyini ifadə edib. Baş müftinin çıxışı həm tarixi faktlara, həm də  müasir humanitar aspektlərə toxunması ilə diqqəti çəkib.

1987-ci ildən sonra Ermənistanın açıq şəkildə Azərbaycanın Dağlıq Qarabağ bölgəsinə qarşı ərazi iddiaları ilə çıxış etdiyini xatırladan Mustafa Hacı həmin dövrdən sonra yüz minlərlə azərbaycanlının sistemli şəkildə həm Ermənistandakı torpaqlarından zorla çıxarıldığını, həm də Azərbaycan ərazilərinin 20 faizinin işğal olunduğunu vurğulayıb.

Baş müfti xüsusilə ermənilərin Azərbaycan xalqına qarşı həyata keçirdiyi terror fəaliyyətlərinə diqqət yetirib. Qeyd olunub ki, etnik təmizləmə siyasətini tamamlayan ermənilər 1990-cı illərdən etibarən Azərbaycanda terror dalğasını genişləndirərək soyqırımı siyasətinin növbəti mərhələsinə keçib.

Çıxışda Birləşmiş Millətlər Təşkilatı Təhlükəsizlik Şurasının Dağlıq Qarabağ problemi ilə bağlı qərarlarının icra olunmadığı xatırladılmaqla Ermənistana qarşı beynəlxalq sanksiyaların tətbiq olunmadığı da əksini tapıb. Ermənistan-Azərbaycan münaqişəsinin həlli prosesində Azərbaycan tərəfinin ilk növbədə sülh variantını seçdiyini vurğulayan Mustafa Hacı Azərbaycanın haqq davasına olan dəstəyini ifadə edib.
Qeyd edək ki,  Bolqarıstan Respublikasının Müsəlmanlar Dəyanəti Baş Müftülüyü  davamlı şəkildə Azərbaycana olan dəstəyini ifadə edir. Qurum  sentyabrın 27-də də bəyanatla çıxış edərək Ermənistan silahlı qüvvələrinin hərbi təxribatını qınamışdı.



 


<< Geri
Ana səhifə | BÜTÜN XƏBƏRLƏR | Müsahibə | Siyasət | Sosial | Haqqımızda | Əlaqə
© 2012 525.Az.