525.Az

BANM və Poltava Milli Texniki Universiteti əməkdaşlıq edəcək

[13.10.17]
BANM və Poltava Milli Texniki Universiteti əməkdaşlıq edəcək<b style="color:red"></b> Bakı Ali Neft Məktəbinin (BANM) rektoru Elmar Qasımov Ukraynanın Yuri Kondratyuk adına Poltava Milli Texniki Universitetinin nümayəndə heyətini qəbul edib.
 
BANM-dən APA-ya bildirilib ki, səfərin məqsədi tədris müəssisələri arası münasibətlərin möhkəmləndirilməsi və ikitərəfli Anlaşma Memorandumunun imzalanması olub. Nümayəndə heyəti Poltava Milli Texniki Universitetinin rektoru, iqtisad elmləri namizədi Vladimir Onişenko, Elm və Təhsil məsələləri üzrə rektorun birinci müavini Boqda Korobko, beynəlxalq əməkdaşlıq üzrə prorektor Svetlana Sivitskaya və idarəetmə heyətinə daxil olan digər önəmli şəxslərdən ibarətdir.
 
1930-cu ildən bəri fəaliyyət göstərən Poltava Milli Texniki Universitetinin nümayəndələri Bakı Ali Neft Məktəbinə olan marağından danışaraq, qısa müddət ərzində əldə edilən nüfuz və nailiyyətlərə görə rektor Elmar Qasımovu təbrik ediblər.
 
E. Qasımov BANM-in partnyorluq etdiyi universitetlər sırasına qoşulan Yuri Kondratyuk adına Poltava Milli Texniki Universitetilə başlanan münasibət və əməkdaşlığın tezliklə öz bəhrəsini verəcəyindən əmin olduğunu qeyd edib.


<< Geri
Ana səhifə | BÜTÜN XƏBƏRLƏR | Müsahibə | Siyasət | Sosial | Haqqımızda | Əlaqə
© 2012 525.Az.