525.Az

Dəhşətli yol qəzası: 4 ölü, 7 yaralı

[27.01.14]
Dəhşətli yol qəzası: <b style="color:red">4 ölü, 7 yaralı</b>

Bakı-Şamaxı yolunu 29-cu kilometrliyində 4 nəfərin ölümü, 7 nəfərin ağır yaralanması ilə nəticələnən yol qəzası baş verib.
 
APA-nın xəbərinə görə, qəza "VAZ-21011", "Mitsubishi" və "Mercedes Benz" markalı avtomobillərin toqquşması nəticəsində "VAZ-21011"-in sürücüsü Bahadur İbadov, qızı Ceyran İbadova və 3 yaşlı nəvəsi Zəhra ölüb. Sürücünün həyat yoldaşı Arifə İbadova və digər sərnişin Vidadi Novruzov isə ağır bədən xəsarətləri alıb.
 
"Mercedes Benz" markalı maşında olan Gülşən Bibirova da aldığı ağır bədən xəsarətləri nəticəsində hadisə yerindəcə keçinib. Sürücü Nadir Şükürov, sərnişinlər Fəridə Əliyeva və Pirum Şamalova ağır yaralanıblar.
 
"Mitshubishi"nin sürücüsü Murad Həmidov və sərnişini Elşən Rüstəmov da ağır bədən xəsarətləri alıblar. Yaralılar 1 saylı şəhər və Respublika Mərkəzi Klinik xəstəxanalarına çatdırılıblar.
 
Faktla bağlı Baş Dövlət Yol Polisi İdarəsində araşdırma aparılır.


<< Geri
Ana səhifə | BÜTÜN XƏBƏRLƏR | Müsahibə | Siyasət | Sosial | Haqqımızda | Əlaqə
© 2012 525.Az.