525.Az

Nazirlik: "Ehtiyat dərsliklərin siyahısı genişləndiriləcək"

[12.07.19]
Nazirlik: "Ehtiyat dərsliklərin siyahısı genişləndiriləcək"<b style="color:red"></b>

“Müasir tələblərə cavab verən dərsliklərin hazırlanması məqsədilə Nazirlər Kabinetinin 24.10.2016-cı il tarixli sərəncamına uyğun olaraq Təhsil İnstitutunda yaradılan Tədris Resursları Mərkəzində baza (ehtiyat) dərsliklərin hazırlanmasına başlanılıb.

Təhsil Nazirliyindən APA-nın sorğusuna cavab olaraq bildirilib ki, artıq həmin Mərkəz tərəfindən ümumtəhsil müəssisələrinin 1-ci sinifləri üçün “Azərbaycan dili (tədris dili)” və “Riyaziyyat” fənləri üzrə yeni baza (ehtiyat) dərsliklər hazırlanıb ki, bu dərsliklər 2018/2019-cu tədris ilindən başlayaraq seçilmiş 100 məktəbin pilot siniflərinin sınaq istifadəsinə verilib.

Məlumatda qeyd edilir ki, sınaq istifadə qarşıdan gələn 2019/2020-ci tədris ilində də davam etdiriləcək:

“Daha sonra nəticələr mütəxəssislər tərəfindən təhlil ediləcək və dərsliklər üzərində müvafiq təkmilləşdirmələr aparıldıqdan sonra onlar kütləvi istifadəyə veriləcək.
 
Göründüyü kimi, proses hələ ki, ümumtəhsil müəssisələrinin 1-ci siniflərini yalnız 2 fənn üzrə əhatə edir. Növbəti illərdə bu dərsliklərin siyahısı genişləndiriləcək və ardıcıl olaraq digər təhsil dövrləri üçün yuxarıda təsvir edilən analoji prosedurlardan keçiriləcək”.


<< Geri
Ana səhifə | BÜTÜN XƏBƏRLƏR | Müsahibə | Siyasət | Sosial | Haqqımızda | Əlaqə
© 2012 525.Az.