525.Az

ARDNŞ, BP və «Total» şirkətləri TAP konsorsiuma qoşulub

[30.07.13]
ARDNŞ, BP və «Total» şirkətləri TAP konsorsiuma qoşulub<b style="color:red"></b>

Xəzərin Azərbaycan sektorunda yerləşən «Şahdəniz» layihəsinin işlənməsi üzrə konsorsiumun üzvü olan Azərbaycan Dövlət Neft Şirkəti, BP və «Total» şirkətləri Trans-Adriatik qaz boru kəməri (TAP) konsorsiumuna qoşulub.

TAP konsorsiumdan «APA-Economics»ə verilən məlumata görə, bu konsorsiumda ARDNŞ və BP hər biri 20%, «Total» isə 10%-lik paya sahib olub.
 
Bundan başqa, Avropada əsas qaz tranziti operatoru olan «Fluxys» şirkəti də 16% payla TAP-a qoşulub. Məlumatda deyilir ki, TAP səhmdarları olan İsveçrənin «Axpo», Norveçin «Statoil» və Almaniyanın «E.ON» şirkətləri də layihəni dəstəkləməkdə davam edir.

Nəticədə, TAP səhmdarları rolunda artıq BP (20%), ARDNŞ (20%), «Statoil» (20%), «Fluxys» (16%), «Total» (10%), «E.ON» (9%) və «Axpo» (5%) şirkətləri çıxış edir.

TAP-ın icraçı direktoru Kyetil Tunqland qeyd edib ki, yeni səhmdarlar TAP-ın strateji mövqelərini əhəmiyyətli dərəcədə genişləndirəcək və bu, daha sonra bütün Cənub Qaz Dəhlizinin inteqrasiyasını gücləndirəcək.

Bununla yanaşı bildirilir ki, TAP layihəsi bundan sonra da tərəfdaşların qoşulması üçün açıqdır.


<< Geri
Ana səhifə | BÜTÜN XƏBƏRLƏR | Müsahibə | Siyasət | Sosial | Haqqımızda | Əlaqə
© 2012 525.Az.